[غاليه يايمن]

اولا انا اشكر اخي موظف يمن نت على مبادرته بمشاركتنا في هذه المشاكل
ثانيا احب ان اذكر السلبيات ولاننسى ان هناك الى ايجابيه واحده ليمن نت هو انا مستغربه عليها للان بس ولكنني اخاف
ان يكون تخميني لسبب حدوث هذه الايجابيه هو قله مشتركي خدمه الدي اس ال وهي عدم انقطاع الخدمه عندي بكثره بشكل مفاجأء مثلما قال الاخ وانا ارى اخي الكريم انه اذا حدث انقاع متكرر للخط عندك يكون راجع لنوعية المودم الذي تستخدمه هذا في خدمه الدي اس ال اما الاتصال الهاتفي فالانقطاع حدث ولا حرج لاني اضطر استخدمه عندما يتنقطع الكهرباء (متى تتطور الكهرباء كمان ويبطلوا يقطعوها لازم تفتحو صفحه خاصه بالاحتجاج على انقطاع التيار الكهربائي برضه ) المهم الاتصال الهاتفي الخدمه فيه عذاب في عذاب يعني خدمه 56 توصلنا منها بس 33 واذا حظنا حلو توصل السرعه ل 44 يعني نعمه اما سرعه التحميل عشان احمل 1 ميجا اجلس ساعه عشان احمله ناهيك عن سعر الدقيقه تقول نستخدم خطوط ذهبيه ايوة وكما ن ايش حكايه ويب سنس هذا اللي طالع لي مثل الجني قام يحضر حتى مواقع اسلاميه في مواقع اكون نفسي احرف بس ليش مسوي لها بلوك ليه لا هي مبتذله ولا هي لها صله بالمحضورات يحضرها ليه ؟؟؟؟؟؟؟
المهم خلونا في الدي اس ال

اليوم سمعت خبر انه حصل تخفيض لخدمات النت وفرحت بس اقولكم الصدق خفت افرح وقلبي اقتمص وحسيت في انه في الموضوع لانه غريبه يحصل عندنا فرحه زي هذه يعني خفضو سعر الخدمه وكمان فتحو الخط 24 ساعه ؟؟!!!
طيب قولو ليه خفت خفت تكون اشاعه لامش اشاعه بس خفت تكون حكايه سعه التنزيل هذه مقلب نشربه ويحسبولنا حتى الدخول لقوقل وقالو نزل معك 2 جيجا لمن فتحت قوقل

وايضا لدينا مشكله السداد للرسوم مشكله كبيره بالنسبه لنا وهي انه نضطر نروح للمواصلات ونتعامل مع موظفين لا يعرفو من الذوق لا شكل ولا لون يعني يتكلم مع الواحده كانها واجيه تشحت منه مش واجيه تسدد رسوم خدمه علاوة على ذلك مشكله مكتب المواصلات في اليمن ما عندهم ماكينة تصوير يعني سدد الرسوم وانزل دورين عشان تروح تصور السند خارج المبنى وارجع اطلع دورين ثاني مره عشان تسلم الموظف السند وطبعا لازم تنزل الدورين ثاني مره لانك تشتي تروح بيتكم هذا اذا كان عاد فيك حيل
انا ما كملت الايجابيه اللي عندي مقارنه بالسعوديه مثلا اشوفهم دايما يشتكو من حكاية الانقطاع المتكرر عندهم وانا كذه بيني وبين نفسي رجحت السبب انه بسبب ضخامة اعداد المشتركين عندهم لكن عندنا ياحرام مش كل الناس تستخدم الخدمه هذه


المهم اخي موظف يمن ينت انا عندي استفسار بس هو انه قبل لمن كانت الخدمه تحسب بالساعات كان معانا موقع خاص بمعرفه حساب المشترك وعدد الساعات المستهلكه الان والخط مفتوح بحسب سعه التنزيل كيف يمكننا معرفه كم الكميه المستهلكه من السعه ارجو الرد على الاستفسار خوف من ان ينقطع الخط عندي باي لحظه وانا لا اعلم كم وصلت سعة التنزيل في حسابي


هذا ولكم جزيل الشكر ولاصحاب الموقع