طيب و تجديد الاشتراك !!!

[r_u4]

السلام عليكم

طبعا الكل اللي هنا يجدودا اشتراكاتهم اكيد بس السؤال الان ايش هده الطريقة المتخلفة اللي يستخدموها ؟؟؟

لما اروح اجدد النت في السنترال اول شي ياخد منك الرقم (التلفون) بعدين يروح ساعة يدور للملف حقك (اتصور ملف !! )) وبعدين يتكلم مع اصحابه ساعة بعدين يدكرك ويجلس يسجل عنده بورق ويسالك اسمك واسم امك ويعطيك ورقتين (( كني بسحب فلوس من بنك )) بعدين امسك طابور نص ساعة بعدين اجي ادفع يعطيلي رصيد اني دفعت 3000 - 60 , المهم القصه لسه بعدين انزل تحت اصور السند بعدين ارجع اطلع الدرج مره تانيه , بعدين امسك طابور صغير دي المره بعدين اعطي للموظف الصوره حق السند

يعني قصه حزينه كل شهر (( طبعا لازم كل اسبوع لكن ايش نسوي)) المهم ليش هدا التخلف يدكرونا بالستينات , ياخي حتى الستينات كانو متطورين يدفعو البيل بالبريد ؟؟؟

ليش ميخلوش الدفع online ولا حتى بريد لاين ولا ايش فايدة كل دي البنوك والبريد _ عشان يقرفوك ؟؟؟؟؟؟

[خولان]

ههههههههههههههههههههههههههههه

ما شاء الله في تطور :d ..

[Mon7rf]

هههههههههههههههههههههه


شكوى كل مشتركي يمن زفت .....

[غاليه يايمن]

وربي ذكرتني بمعاناتي لمن اروح اجدد اشتراك انا نفسي ليش ما يشترو ماكينة تصوير في المواصلات فرع تعز يعني مش حرام عليهم يطلعونا وينزلونا الدرج مية مره لا وعاد انت تروح تجدد اشتراك مره بالشهر بالك انا اللي اجدد اشتراكي ثلاث او اربع مرات لان الساعات ما كانت تكفي لعملي على النت وهم يرجعو لنا ستين ريال من الثلاثه الف عشان تاخذ تاكسي بثلاثميه ريال تروح تصور السند وترجع بثلاثمئه لانه صاحب الاتصالات اللي جنب المواصلات اللي عنده ما كينة تصوير مقفل لانه تعبان شفتم العناء لا ومره يقولو مسئو الحسابات مش موجود اليوم ولو تشتي تجدد اشتراك روح للفرع اللي بشارع الاجينات مدري اخر شارع جمال مدري ايش يسموه المهم يعني ادفع فوق الثلاثه الف الف ريال حق التاكسي عشان تحصل الخدمه الله ينتقم من كل متسلط جبار وياريتهم يتكلمو بادب الا فيها حريق دم واعصاب تقول موظف الاتصالات هذا يصرف على بيتكم والا لحم اكتافك من خيره يكلمك من طرف انفه